ബ്രണ്ടൻ മക്കല്ലം ബി ബി എല്ലും മതിയാക്കാൻ ഒരുങ്ങുന്നു; അവസാന മത്സരം വെള്ളിയാഴ്ച.

മുൻ ന്യുസീലന്റ്‌ ക്യാപ്റ്റൻ മക്കല്ലം ഓസ്ട്രേലിയൻ ലീഗ് ആയ ബി ബി എല്ലിൽ നിന്നും വിട പറയുന്നു. ബി ബി എല്ലിൽ ബ്രിസ്ബേൻ ഹീറ്റ്സിന്റെ കളിക്കാരൻ ആണ് അദ്ദേഹം. അഡ്ലൈഡ് സ്ട്രൈക്കേഴ്സിനെതിരെ തീർത്തും നിറം മങ്ങിയ പ്രകടനമാണ് അദ്ധേഹം കാഴ്ച വെച്ചത്. 51 പന്തിൽ നിന്നും വെറും 39 റൺസ് ആണ് അദ്ദേഹത്തിന്റെ സമ്പാദ്യം. അഡ്ലൈഡ് സ്ട്രൈക്കേഴ്സിനോട് തോറ്റു ബി ബി എല്ലിൽ നിന്നും പുറത്തായതോടെ അദ്ധേഹം തന്റെ വിരമിക്കൽ തീരുമാനം എടുക്കുകയായിരുന്നു. 

ഇൗ വെള്ളിയാഴ്ച മെൽബൺ സ്റ്റാർസിനെതിരെയാണ് അദ്ദേഹത്തിന്റെ അവസാന മത്സരം. 2011 മുതലാണ് a ഹീറ്റ്സുമായി കരാറിൽ എത്തുന്നത്. 34 മത്സരങ്ങളിൽ നിന്നും 920 റൺസ് നേടിയ അദ്ദേഹം രണ്ട് സീസണുകളിൽ ക്യാപ്റ്റനായിട്ടുമുണ്ട്. 

37 വയസ്സുള്ള അദ്ദേഹത്തെ വരുന്ന ഐ പ്പി എല്ലിൽ ആരും ടീമിൽ ഉൾപ്പെടുത്തിയിരുന്നില്ല. എന്നാലും ഇൗ വർഷം നടക്കുന്ന എല്ലാ ട്വന്റി-ട്വന്റി ലീഗുകളിലും കളിക്കുമെന്നും ശേഷം കോച്ചിങിലേക്ക് തിരിയുമെന്ന് അദ്ധേഹം അറിയിച്ചു.