പെൺപടയും ന്യൂസീലന്റിനെ തറ പറ്റിച്ചു. ഫുൾ റിപ്പോർട്ട്:

ആൺ പുലികൾ തുടങ്ങിയത് പോലെ തന്നെ പെൺപടയും ന്യൂസിലാൻഡിനെ മുട്ടുകുത്തിച്ചു. 17 ഓവറുകൾ ബാക്കി നിൽക്കെ 9 വിക്കറ്റിനാണ് അവരെ തോൽപ്പിച്ചത്. 3 മത്സരങ്ങൾ ഉള്ള പരമ്പരയിൽ 1-0 ന് മുന്നിലെത്തി.

ടോസ്സ് നേടി ബോളിങ് തിരഞ്ഞെടുത്ത ഇന്ത്യക്ക് ആശിച്ച തുടക്കമല്ല ലഭിച്ചത്. ആദ്യ വിക്കറ്റിൽ 61 റൺസ് എടുത്ത ഓപ്പണർമാർ ഇന്ത്യയെ ഞെട്ടിച്ചു. എന്നാൽ പതിനാലാം ഓവറിൽ ഇന്ത്യക്ക് വേണ്ടി പൂനം ആദ്യ വിക്കറ്റ് നേടി കൊടുത്തു. പിന്നീട് അങ്ങോട്ട് നിലയുറപ്പിക്കാൻ അവർക്ക് അവസരം കൊടുത്തില്ല.

3 ന് 70 എന്ന നിലയിൽ നിന്നും, 4 ന് 136 പിന്നീട് 7 ന് 148 അങ്ങനെ 49 ആം ഓവറിൽ 192 ന് എല്ലാവരും പുറത്തായി. ഓപ്പണർ ആയ ബേറ്റ്സ് 36 റൺസ് എടുത്തു.

മറുപടിയായി മന്ദാനയുടെ നാലാം സെഞ്ചുറിയുടെ പിൻബലത്തിൽ ന്യൂസീലന്റിനെ 9 വിക്കറ്റുകൾക്ക് മറി കടന്നു.ആദ്യ വിക്കറ്റിൽ മന്ദാനയും റോഡ്രിഗസും ചേർന്ന് 190 റൺസ് എടുത്തു. റോഡ്രിഗസ് പുറത്താകാതെ 81 റൺസ് എടുത്തു.മന്ദാനയാണ് കളിയിലെ താരം. 29 നാണ് അടുത്ത മത്സരം.